“Türkiyə hökuməti Ukrayna böhranının yaxın aylarda kəskinləşməsini istisna etmir. Ona görə də münaqişənin danışıqlar yolu ilə həlli üçün intensiv səylər göstərəcək”.
Azpost.info xəbər verir ki, bunu Türkiyə prezidentinin rəsmi nümayəndəsi İbrahim Kalın deyib.
Kalın yaxın vaxtlarda Ukraynada hərbi əməliyyatların güclənə biləcəyini qeyd edib: “Bununla bağlı Türkiyə bütün sahələrdə – atəşkəsdən tutmuş, əsirlərin mübadiləsinə, taxıl tədarükünə və nüvə təhlükəsizliyinə qədər bütün istiqamətlərdə danışıqlar prosesinə yol açmaq üçün fəal səylərini davam etdirəcək”.
Kalın Türkiyə prezidenti Rəcəb Tayyib Ərdoğanın Rusiya və Ukrayna liderləri Vladimir Putin və Vladimir Zelenski son telefon danışıqlarını da şərh edib. O bildirib ki, danışıqlar zamanı Ərdoğan Ankaranın Ukrayna böhranının həllində vasitəçilik etməyə hazır olduğunu bir daha bəyan edib.
Azpost.info
