Avqustun 13-də Yeni Kaledoniyanın kanak və sosialist milli azadlıq cəbhəsi (FLNKS) hökumət və müstəqillik tərəfdarları ilə iyulun əvvəlində imzalanmış Bujival Müqaviləsini rədd etdiyini təsdiqləyib.
APA “Le Monde”yə istinadən xəbər verir ki, Yeni Kaledoniya dövlətinin yaradılmasını nəzərdə tutan razılaşmadan imtina qərarı şənbə günü FLNK-in fövqəladə konqresi zamanı qəbul edilib və bu çərşənbə günü Numeada keçirilən mətbuat konfransında təsdiqlənib.
Kaledoniya İttifaqının baş katibi və FLNKS Siyasi Bürosunun üzvü Dominik Foçi bildirib ki, FLNKS “mübarizəmizin əsasları və nailiyyətləri ilə uyğun gəlmədiyi üçün Bujival müqaviləsi layihəsini rəsmi olaraq rədd edir”.
Qeyd edək ki, mətn xüsusilə “Yeni Kaledoniya Dövləti”nin və Kaledoniya vətəndaşlığının yaradılmasını, habelə suveren səlahiyyətlərin (valyuta, ədliyyə, polis) ötürülməsi imkanlarını nəzərdə tutur. Lakin o, müstəqilliklə bağlı yeni referendumun keçirilməsini nəzərdə tutmur və bu, müstəqillik tərəfdarları arasında əks reaksiyaya səbəb olur.
