Rusiyada, İrkutsk vilayətinin Şelexov şəhərində yeniyetmə qız və qonşusu qısqanclıq zəminində qətlə yetirilib.
AzPost bildirir ki, oktyabrın 12-də Şelexov şəhərində dəhşətli hadisə baş verib. 14 yaşlı oğlan öz evindən götürdüyü bıçaqla qızın yaşayış binasına yaxınlaşıb. Qızğın mübahisə zamanı oğlan onun qarnına və böyrünə bir neçə bıçaq zərbəsi vurub. Şübhəlinin sözlərinə görə, qız əvvəlcə bıçağı ondan almağa çalışıb, daha sonra yüksək səslə qışqırmağa başlayıb.
Oğlan çox qorxduğunu deyib. 23 yaşlı qonşusu səs-küyə çıxıb onları ayırmaq istəsə də, bir neçə bıçaq zərbəsi də alıb. Hər iki zərərçəkən aldığı xəsarətlərdən xəstəxanada dünyasını dəyişib.
Oğlanı qaçmaq istəyərkən mənzildən qaçıb çıxan şəxs saxlayıb. Əsas motiv qısqanclıq olub.
Onun barəsində iki və daha çox şəxsi qətlə yetirmək maddəsi ilə cinayət işi açılıb.
SHOT bildirir ki, qısqanclıq zəminində qızı və qonşusunu bıçaqlayaraq öldürən yeniyetmə paranoyadan əziyyət çəkib. O, səkkizinci sinif şagirdi Vasilina adlı sevgilisinin onu aldatmaqda şübhələnməyə başlayıb.
Ölən Vasilina səkkizinci sinifdə, onun qatili Vanya doqquzuncu sinifdə oxuyurmuş. Oğlanın valideynlərinin dediyinə görə, onun sevgilisi olduğunu bilirdilər; hisslərini gizlətmir, hətta onlarla fəxr edirdi. Hadisədən əvvəl İvan sakit və bir qədər qapalı olub. O, bütün diqqətini Vasilina ilə münasibətinə həsr edirmiş.
Mərhum qız məktəbdə yaxşı şagird kimi tanınıb. O, məktəbdə yerli tarix və ədəbiyyatla bağlı tədbirlərdə iştirak edirdi. Hazırda müstəntiqlər oğlanı dindirir. Prokurorluq araşdırma aparır.
