Yerevanda silahlı insident:

naməlum şəxs biznes mərkəzində atəş açıb
23 Yanvar 2020 - 16:26

Ermənistanın paytaxtı Yerevanın mərkəzindəki “Erebuni” biznes mərkəzində naməlum şəxs atəş açıb.

“Report” Rusiya KİV-inə istinadən xəbər verir ki, hazırda mərkəz polis tərəfindən mühasirəyə alınıb, mərkəzə giriş-çıxış yasaqlanıb.

Olay yerinə Ermənistan Dövlət Təhlükəsizliyi Xidmətinin əməkdaşları da gəlib. Polis atəş açan şəxsi neytrallaşdırmağa çalışır.

Qeyd edək ki, bu biznes mərkəzində Ermənistanın sabiq prezidenti Robert Koçaryanın ofisi də var. KİV atışmanın keçmiş dövlət başçısının tərəfdarlarına qarşı yönəldilə biləcəyini istisna etmir.