Şimali Koreya bir anda bir neçə ballistik raket buraxıb. AzPost xəbər verir ki, bu barədə Cənubi Koreya ordusuna istinadən Yonhap xəbər agentliyi məlumat yayıb.
Qeyd olunur ki, Şimali Koreya raketləri KXDR-in Xvanxae vilayətindən Sarı dəniz istiqamətində atılıb.
Qeyd edək ki, martın 10-da ABŞ və Cənubi Koreya genişmiqyaslı “Azadlıq Qalxanı” təlimlərinə başlayıb. Xarici İşlər Nazirliyi bu cür hərəkətləri Koreya yarımadasında “atmosferi qızışdıran aqressiv müharibənin məşqi” adlandırıb.
Xatırladaq ki, bu il yanvarın sonunda Koreya Mərkəzi Xəbər Agentliyi (KCNA) KXDR ordusunun sualtı qayıqların yerləşdirilməsi üçün nəzərdə tutulmuş strateji qanadlı raketi uğurla sınaqdan keçirməsi barədə məlumat vermişdi. Döyüş başlıqlarının orta uçuş sürətinin saatda 720 km olduğu dəqiqləşdirilib.
