“Ermənistanın hazırkı kursu davam etdirməsi son nəticədə müttəfiqlik münasibətlərimizə düzəlməz zərər vura, respublikanın suverenliyi üçün ciddi risklər yarada bilər”.
Azpost.info bildirir ki, bu sözləri Rusiya XİN xüsusi nümayəndəsi Mariya Zaxarova bu gün keçirdiyi brifinqdə İrəvanın KTMT ilə bağlı bəyanatlarını şərh edərkən bildirib.
Onun sözlərinə görə, bu kurs ölkənin təhlükəsizliyinin təmin edilməsi üçün mövcud effektiv mexanizmləri tamamilə məhv edə bilər.
M. Zaxarovanın sözlərinə görə, Rusiya Qərb ölkələrinin regiondakı vəziyyəti pozmaq və ondan Rusiyaya qarşı tramplin kimi istifadə etmək istəyini və bunun üçün erməni tərəfdaşlarına təzyiqlərin dərəcəsini yaxşı bilir.
“Ermənistan rəhbərliyi müzakirələr aparmaq əvəzinə KTMT-dəki tərəfdaşlarını təhqir etməyə, aşağılamağa başladılar. Daha sonra Ermənistanın sərhədlərini guya qorumaq üçün Avropa İttifaqının missiyasını dəvət etdilər. Bu missiya isə monitorinq adı altında Rusiyaya, Azərbaycan və İrana qarşı kəşfiyyat məlumatları toplayır”.
Azpost.info.
