Ukrayna prezidenti Vladimir Zelenski Lvovda Avropa Parlamentinin rəhbəri Roberta Metsola ilə görüşüb.
Azpost.info xəbər verir ki, bu barədə Zelenski “Teleqram”da bildirib.
Zelenski Metsolaya Ukrayna ilə bağlı Avropa Parlamentinin qəbul etdiyi mühüm qərarlara və ölkəsini dəstəkləməkdə göstərdiyi liderliyə görə təşəkkür edib. Eymi zamanda, ötən ilin martında Avropa Parlamentinin Ukraynaya Aİ üzvlüyünə namizəd statusunun verilməsi zərurətinə dair qətnamənin qəbuluna görə minnətdarlıq edib.
“Ukrayna Avropa Komissiyasının tövsiyələrinin yerinə yetirilməsini mümkün qədər tez başa çatdırmağa və bu il Aİ-yə daxil olmaq üzrə danışıqlara başlamağa çalışır”, – Zelenski bildirib.
Azpost.info
