“Əfqanıstan ordusu döyüşə cəhd etmədən təslim oldu” –

Bayden "özgəsinin əvəzinə vuruşa bilmərik" dedi
17 Avqust 2021 - 09:28

Amerika Birləşmiş Ştatlarının prezidenti Co Bayden ABŞ qoşunlarının Əfqanıstandan çıxarılması barədə qərarını qətiyyətlə müdafiə edib və qoşunların xaotik şəkildə çıxarılması ilə bağlı ABŞ-ın ünvanıa olan geniş tənqidləri rədd edib.

Röyterin məlumatına görə Bayden avqustun 16-da bildirib ki, Birləşmiş Ştatların missiyası heç vaxt dövlət quruculuğu olmamalıdır. O Əfqanıstan ordusunu yaraqlılarla vuruşmaq istəməməkdə günahalandırıb.

“Qərarımın tam arxasında dururam. 20 illik təcrübəmdən əmin oldum ki, ABŞ ordusunu çıxarmaq üçün heç vaxt yaxşı məqam olmayıb”- Bayden televiziya ilə müraciətində vurğulayıb.

Röyterin yazdığına görə, ABŞ prezidenti deyib ki, həqiqət budur ki, bütün bunlar düşündüyümüzdən daha sürətli baş verdi. “Əfqanıstanın siyasi liderləri təslim olaraq ölkədən qaçıblar. Əfqanıstan hərbçiləri bəzən döyüşə cəhd etmədən belə təslim olublar”.

Bayden qeyd edib ki, Əfqanıstan qüvvələri özləri uğrunda mübarizə aparmaq istəmədikləri bir halda ABŞ ordusu orda müharibə aparıb ölməməlidir.

Bayden deyib ki, ABŞ-ın Əfqanıstanda milli maraqları əsasən, ABŞ-a xaricdən terror hücumlarının qarşısını almaqdan ibarət olub.

ABŞ prezidenti bildirib ki, Birləşmiş Ştatlar Əfqanıstan ordusunu olduqca yaxşı təhciz etmişdi, bu ordu Amerikanın bəzi NATO müttəfiqlərindən daha çox sayda və daha yaxşı şəkildə təchiz olunmuşdu.

Co Bayden Taliban hərəkatına da xəbərdarlıq edib, bildirib ki, ABŞ ordusunun çıxarılması prosesi maneəsis keçməlidir, əks halda dağıdıcı güclə üzləşəcəklər.

Qeyd edək ki, Taliban hərəkatının yaraqlıları avqustun 15-də Əfqanıstanın paytaxtı Kabili də zəbt ediblər və beləliklə demək olar ki, Kabil hava limanını çıxmaq şərtilə indi bütün ölkə ərazisi onların nəzarətinə keçib.

ABŞ və digər ölkələr Kabildəki diplomatik missiyalarının əməkdaşlarını çıxarmağa başlayıblar.

Bu prosesi təmin etmək üçün, hava limanına hazırda orda qalan beynəlxalq koalisiya qüvvələri nəzarət edir.

Qeyd edək ki, bütün bunlar, ABŞ-ın rəhbərlik etdiyi beynəlxalq koalisiya qüvvələri mayın 1-dən Əfqanıstanı tərk etdikdən sonra baş verib.