Türkiyə Prezidenti Rəcəb Tayyib Ərdoğan Ukrayna lideri Volodimir Zelenski ilə telefon danışığı aparıb.
Bu barədə Türkiyə Prezidentinin Administrasiyası məlumat yayıb.
Danışıq zamanı Ukrayna münaqişəsinə dair son vəziyyət müzakirə olunub.
Prezident Ərdoğan danışıqların davam etdirilməsi üçün bundan sonra da lazım olan dəstəyi verməyə və vasitəçiliyə hazır olduğunu bildirib.
Bundan əlavə, Türkiyə lideri Ukraynadan dəniz yolu ilə kənd təsərrüfatı məhsullarının ixracı üçün təhlükəsiz dəhlizin yaradılması layihəsinə xüsusi əhəmiyyət verdiyini də vurğulayıb.
