Banan – yuxusuzluğa qarşı ən yaxşı təsir göstərən meyvələrdəndir.
Azpost.info xəbər verir ki, buna səbəb bananın sakitləşdirici təsirə malik, əsəbləri yumşaldan, mənfi düşüncələrdən xilas edən B6 vitamini və maqneziumla zəngin olmasıdır.
Banan həm də insan orqanizmi üçün əvəzolunmaz triptofan aminturşusunun əsas mənbəyidir. Ona görə də bu elementlər birlikdə işlədikdə sakitləşdirici təsir göstərə və yuxunu yaxşılaşdıra bilər. Beləliklə, yuxusuzluqdan əziyyət çəkən və pis yatan insanlar daha çox banan yeyə bilərlər.
Süd də yuxuya yaxşı kömək edir. Çünki tərkibində triptofan və peptidlər var. Triptofan insan hüceyrələrini hipnotik təsirə malik olan triptamin adlı maddəni ifraz etmək üçün stimullaşdıra bilir. Peptidlərə gəlincə, onlar bədənin mərkəzi sinir sisteminə daxil olduqda bütün sinir sisteminə anestezik təsir göstərə bilir, buna görə də insan yuxulu vəziyyətə düşür.
Bir sözlə, süd əsəblərə sakitləşdirici təsir göstərir və yuxuya getməyi sürətləndirir. Uzun müddət davam edən stress səbəbindən yuxusuzluqdan əziyyət çəkən insanlara yatmazdan əvvəl bir stəkan ilıq süd içmək məsləhət görülür. Bu, sinir sistemini sakitləşdirməyə və yuxuya getməyə kömək edəcəkdir.
Yuxusuzluqdan əziyyət çəkən insanlara xüsusilə axşam saatlarında ədviyyatlı yeməklərdən uzaq durmaq tövsiyə olunur. Axşam yeməyi üçün ədviyyatlı yemək yuxu pozğunluğunun mühüm səbəbidir. Bibər, sarımsaq və soğan kimi qidalar yanma və həzmsizliyə səbəb ola bilər ki, bu da yuxunu çətinləşdirir. Bununla yanaşı, yatmazdan əvvəl qəhvə içmək də yuxunu qaçıran səbəblərdəndir.
Azpost.info
