Əfqanıstan Prezidenti Əşrəf Qani xalqa müraciət etdi

“Hazırkı vəziyyətdə təhlükəsizlik və müdafiə qüvvələrinin remobilizasiyası bizim əsas prioritetimizdir”.

“TOLO News”un verdiyi xəbərə görə, bunu Əfqanıstan Prezidenti Əşrəf Qani müraciətində deyib.

Xalqın gələcəklə bağlı dərin narahatlığını başa düşdüyünü deyən Əfqanıstan Prezidenti: “Sizin Prezidentiniz kimi mən sizləri əmin edirəm ki, mənim əsas diqqətim və hədəfim qeyri-sabitliyin, zorakılığın daha da artmasının və insanların evlərini tərk etməsinin qarşısını almaqdır. Bunun üçün hökumət daxilində və xaricdə, siyasi liderlərlə və beynəlxalq tərəfdaşlarla geniş məsləhətləşmələrə başlamışam və tezliklə nəticələrini xalqla paylaşacağam.

Tarixi bir missiya olaraq, Əfqanıstan xalqına qarşı bu məcburi müharibənin insanlarımızı daha çox öldürməsinə, 20 il ərzində qazanılan uğurların itirilməsinə, ictimai mülkiyyətin dağıdılmasına və davamlı qeyri-stabilliyə icazə verməyəcəyəm”, – deyə Əfqanıstan Prezidenti vurğulayıb.(APA)

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

Ağdam şəhərinin gerbinin hazırlanması üçün elan verildi –

Sonrakı məqalə

Mədəniyyət evi, kənd klubu, hamam, mağaza satışa çıxarılıb –