“Əl-Qaidə” terror təşkilatı 2001-ci il sentyabrın 11-də ABŞ-da törədilən terror aktlarına həsr olunmuş kitab nəşr etdirib.
Azpost.info xəbər verir ki, hücumların 21-ci ildönümünə təsadüf edən kitabın müəllifi “Əl-Qaidə”nin liderlərindən biri – 2020-ci ildə İranda öldürülən Əbu Məhəmməd əl-Məsridir.
Kitabda bildirilir ki, ABŞ-a zərbə endirmək ideyası 1996-cı ildə “Taliban” Əfqanıstanda hakimiyyəti ələ keçirəndə və “Əl-Qaidə” bu ölkəni özünün əsas bazasına çevirəndə yaranıb. ABŞ-a hücumun məqsədi isə “Əl-Qaidə”nin amerikalıları uzunmüddətli müharibəyə cəlb etmək istəyi olub.
O da qeyd olunur ki, terror aktınının vacib və simvolik Amerika binasına çırpılacaq mülki təyyarələrin köməyi ilə həyata keçirilməsini “Əl-Qaidə”yə onun əvvəllər pilot kimi çalışmış misirli üzvlərindən biri təklif edib.
Azpost.info
