“Əl-Qaidə” Hindistanı terror aktları ilə hədələyib. Terror qruplaşması bəyanat yayaraq Hindistanın bir neçə şəhərində kamikadze hücumu təşkil edəcəyini bildirib.
Azpost.info xəbər verir ki, buna səbəb hakim Bharatiya Canata Partiyasının keçmiş nümayəndəsi Nippur Şarmanın İslam dini və Məhəmməd peyğəmbər haqqında söylədiyi fikirlərdir.
“Zee News” telekanalının məlumatına görə, polis təhdidlərə görə qadını mühafizə altına alıb. Nipur Şarma televiziyada debat zamanı müsəlmanlara qarşı fikirlər səsləndirib, həmçinin insanların İslam dini ilə bağlı kitabların məzmununu lağa qoyduğunu deyib. Bu fikirlər xüsusilə İran, Qətər, Küveyt, Səudiyyə Ərəbistanı və Birləşmiş Ərəb Əmirlikləri tərəfindən pislənilib.
Bu ölkələr Hindistan səfirlərini çağıraraq onlara etiraz ediblər. Hindistanın hazırkı hökuməti də reaksiyasız qalmayıb. Şarma vəzifəsindən uzaqlaşdırılıb və partiya üzvlüyündən məhrum edilib. Eyni zamanda barəsində istintaq başladılıb və polis onu iyunun 22-də ifadə verməyə çağırıb.
Azpost.info
