“İsrail dövlət kimi deyil, təşkilat kimi fəaliyyət göstərir”.
Azpost.info bildirir ki, bunu Türkiyə Prezidenti Rəcəb Tayyib Ərdoğan çıxışı zamanı deyib.
Onun sözlərinə görə, Qəzza zolağına qeyri-mütənasib və əsassız hücumlar İsraili dünya ictimai rəyi qarşısında onun üçün gözlənilməz və arzuolunmaz vəziyyətə sala bilər.
“İsrail yadda saxlamalıdır ki, əgər bir dövlət kimi deyil, bir təşkilat kimi fəaliyyət göstərsə, nəticədə ona bir təşkilat kimi baxılacaq”, – deyə Ərdoğan vurğulayıb. O, tərəfləri Fələstin xalqının tam cəzalandırılmasına yönəlmiş impulsiv qərarlardan çəkinməyə çağırıb.
Ərdoğan həmin çıxışında Türkiyənin Suriya və İraqda kürd üsyançılarına qarşı hücumları gücləndirəcəyini bildirib.
Azpost.info
