“Avropa İttifaqı dünən saat 20.00-dan qüvvəyə minmiş Ermənistan və Azərbaycan arasında atəşkəs razılaşmasını alqışlayır”.
Azpost.info bildirir ki, bu barədə Aİ xarici siyasət xidmətinin bəyanatında deyilir. “Atəşkəsə əməl olunması barədə yerlərdən gələn xəbərlər bizi ümidləndirir. Tərəfləri əsgər cəsədlərinin təhvil verilməsi ilə bağlı humanitar addımları koordinasiya etməyə çağırırıq”.
Bəyanatda deyilir ki, Aİ-nin xüsusi nümayəndəsi Toyvo Klaar Bakıda və İrəvanda yüksək səviyyədə məsləhətləşmələri davam etdirir. “Avropa İttifaqı Şarl Mişel vasitəsi ilə ən yüksək səviyyədə əvvəlki kimi Ermənistan və Azərbaycan arasında münasibətlərin normallaşması prosesində fəal iştirak edir”.-məlumatda deyilir.
