Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi Çini Rusiya ilə işləməyi dayandırmağa çağırıb.
Azpost.info xəbər verir ki, bu barədə “Reuters” məlumat yayıb.
“Çinə mesaj ondan ibarətdir ki, indi Rusiya prezidenti Vladimir Putinlə iş görmək vaxtı deyil”, – Kirbi deyib.
O, həmçinin Çinin Rusiyanın Ukraynadakı xüsusi əməliyyatını necə dəstəklədiyini öyrənmək niyyətində olduğunu qeyd edib. Lakin onu da əlavə edib ki, Pekin Rusiya ordusuna maddi dəstək vermir və Moskvaya qarşı sanksiyaları pozmur.
Qeyd edək ki, Putin Şanxay Əməkdaşlıq Təşkilatının bugünkü sammiti çərçivəsində Çin lideri Si Cinpinlə görüşüb və Pekinin Ukrayna böhranı ilə bağlı balanslı mövqeyini yüksək qiymətləndirdiyini bildirib. Si Cinpin isə Rusiya ilə birlikdə dünyanı davamlı inkişaf yoluna çıxarmağa hazır olduğunu bəyan edib.
Azpost.info
