Həkimlər ötən il 117 yaşında vəfat edən ispan qadın Maria Brañas Moreranın DNT-sini və digər bioloji markerlərini tədqiq edərək onun uzun ömür sürməsinin səbəbini müəyyən ediblər.
AzPost-un məlumatına görə, bu barədə Daily Mail bildirir.
Alimlər belə qənaətə gəliblər ki, Morera gündə üç dəfə qatıq yeyib. Onun tərkibində Lactobacillus delbrueckii bulgaricus və Streptococcus thermophilus bakteriyaları var.
“Qatığın sağlamlıq və uzunömürlülük üçün faydalarını göstərən əvvəlki sübutlar çox azdır, buna görə də bu, bir irəliləyişdir” -deyə tədqiqat rəhbəri Manel Esteller bildirib.
O, əlavə edib ki, Morera qatıqdan əlavə səkkiz müxtəlif taxıldan ibarət gündəlik smuzi içkisini içib. O, həmçinin siqaret çəkməyib və spirtli içki qəbul etməyib.
Bundan əlavə, Xosep Karreras Leykemiya Tədqiqat İnstitutunun və Barselona Universitetinin Xərçəng Epigenetik Qrupunun rəhbərlik etdiyi beynəlxalq alimlər şəbəkəsi qadının bütün genetik profilini digər çox yaşlı insanlarla müqayisə edərək araşdırdılar.
Məlum olub ki, Moreranın əla genləri var. O, səmərəli xolesterin və lipid mübadiləsinə malik olub. Bu da onun uzun ömür sürməsinə və yaxşı bilişsel sağlamlığına kömək edib.
O, iki dünya müharibəsindən, İspaniya vətəndaş müharibəsindən, ispan qripi pandemiyasından və COVID-19-dan sağ çıxıb. 113 yaşında COVID-19-a yoluxsa da tez sağalıb.
