“ABŞ aprel ayından bəri 3100 Ukrayna hərbçisinə təlim keçib”.
Azpost.info xəbər verir ki, bunu Pentaqonun sözçüsü, Hərbi Hava Qüvvələrinin briqada generalı Patrik Rayder bildirib.
Onun sözlərinə görə, Qərbdə ümumilikdə 12 min ukraynalı təlim görüb: “Ötən ilin aprelindən biz 3100-ə yaxın ukraynalıya təlim keçmişik. Bütövlükdə Ukrayna qüvvələrinin hazırlanması üzrə beynəlxalq səylərə gəlincə, Qərbdə təlim keçən ukraynalıların sayı təxminən 12 min nəfərdir”.
Rayder Vaşinqtonun Ukrayna hərbçilərinin təlimi ilə bağlı gələcək planlarını da bölüşüb. Məlum olub ki, yanvarın sonunda Almaniyada Ukrayna Silahlı Qüvvələrinin tabor səviyyəsində hazırlanması üçün hər ay bir batalyonda ən azı 500 nəfərin təlim keçməsi planlaşdırılır.
Azpost.info