Artıq bir neçə gündür Türkiyədə davam edən və səngimək bilməyən meşə yanğınları məşhur serialdan olan kadrların gündəmə gəlməsinə səbəb olub.
Türkiyənin reytinqli layihələrindən olan “Kurtlar Vadisi Pusu”da genişmiqyaslı meşə yanğınlarından bəhs olunub.
Ekran işinin aktyorları Polat Alemdar (Necati Şaşmaz) və həmkarı Alper Özgenç (Tarkan Tüzmen) arasında olan dialoq zamanı onlar yanğınlarından danışıblar. Baş verən fəlakətlə bağlı müzakirələr aparıblar.
Məşhur serialdakı bu kadrlar hər kəsin marağına səbəb olub, bir çox sosial platformalarda yayılaraq müzakirələr yaradıb.
Qeyd edək ki, sözügedən görüntülər 14 il əvvəl lentə alınıb.(BAKU.WS)
