“Biz Qarabağ hərəkatına başlayanda bunun nəyə gətirib çıxaracağını təsəvvür eləmirdik. 1988-ci ildə bu prosesə başlayanda heç kim ağlına belə gətirmirdi ki, SSRİ dağılacaq. Biz sovet Konstitusiyası çərçivəsində məsələnin həllinə ümid edirdik”.
Azpost.info bildirir ki, bu sözləri Ermənistanın sabiq prezidenti Levon Ter-Petrosyan 12 il əvvəl -2011-ci ildə BBC-yə verdiyi müsahibəsində bildirib.
Onun sözlərinə görə, Moskva qaldırılan məsələni müzakirə etmək əvəzinə münaqişəni qızışdırdı.
Ter-Petrosyan bildirib ki, Azərbaycan və Ermənistan 1997-ci ildə sülh sazişinə çox yaxın olub. Onun sözlərinə görə, o zaman bir sıra kompromislər hesabına münaqişəni həll etmək olardı: “Amma Qarabağ erməniləri buna razı olmadılar. Onlar hesab edirdilər ki, bu çox azdır. Maksimalist mövqe ortaya qoydular. Onlar hesab edirdilər ki, Azərbaycanı bir az sıxıb daha çox pay almaq olar. Mənim komandamda da bu fikri dəsətk verənlər var idi. Onlar bu planı müdafiə etmədilər. Mən o zaman dedim ki, əgər daha yaxşı qərarınız varsa mən buna mane ola bilmərəm”.
“15-20 ildən sonra Ermənistanı necə görürsünüz? Azərbaycanla hərbi qarşıdurma ssenrasini mümkün sayırsınızmı?” sualına Ter-Petrosyanın cavabı belə olub : “Xeyr. Mən nikbinəm. Hesab edirəm ki, hər şey yaxşı olacaq. Bizdə bir problem var-Bu gün pis və doğru idarə olunmayan hakimiyyət mövcuddur. Bunu düzədəndən sonra hər şey qaydasına düşəcək, normal ölkə olacaq. Azərbaycanla da, Türkiyə ilə də məsələlər həllini tapacaq. Əgər qarşıdakı illərdə Ermənistan fəlakətli vəziyyət qarşısında qalacaqsa bunun günahı yalnız bizim üzərimizdə olacaq”.
Azpost.info
