yuxusuz
Dasman Diabet İnstitutunun mütəxəssisləri tərəfindən aparılan yeni araşdırma göstərib ki, hətta qısa müddətli yuxusuzluq da ciddi sağlamlıq fəsadlarına səbəb ola bilər.
AzPost Championat.com-a istinadən xəbər verir ki, yalnız bir gecə yuxusuzluq xroniki iltihabla əlaqəli immun hüceyrələrin artmasına səbəb olur.
Təcrübə zamanı alimlər yuxusuzluğun orqanizmdə iltihabi prosesləri necə artırdığını müşahidə ediblər. Bu, piylənmə, diabet və ürək xəstəliyi kimi xəstəliklərin inkişaf riskini artıra bilər. Yaxşı xəbər budur ki, normal yuxu rejimi bərpa edildikdən sonra bu təsirlər yox olur.
“The Journal of Immunology” jurnalında dərc edilən bir araşdırmada da 24 saat yuxusuz qalmanın artıq çəkili insanlara daha çox təsir etdiyi məlum olub. Alimlər bunun yuxu və maddələr mübadiləsini tənzimləyən beyin və orqanizm arasında qarşılıqlı əlaqənin pozulması ilə əlaqədar olduğunu irəli sürürlər.
