Birinci Qarabağ müharibəsində itkin düşən, 30 ildən sonra dəfn olunduğu yer, kimliyi müəyyən edilən şəhid Elşad Şirin oğlu Qayımovun qalıqları dəfn edilib.
Elşad Qayımovun qalıqları Xaçmazın Hacıqurbanoba kənd qəbiristanlığında torpağa tapşırılıb.
Vida mərasimində şəhid Elşad Qayımovun ailə üzvləri və rayon ictimaiyyətinin nümayəndələri iştirak edir.
Şəhidin qalıqları Hacıqurbanoba kənd qəbiristanlığında dəfn olunacaq.
Qeyd edək ki, Birinci Qarabağ müharibəsində Füzuli rayonunun Kərimbəyli kəndi istiqamətində itkin düşən Elşad Qayımovun Beyləqan rayonunun Şəfəq qəsəbəsində yerləşən “Peyğəmbərlik” qəbiristanlığında naməlum şəhid kimi dəfn olunduğu aşkarlanıb və kimliyi müəyyən edilib.
