2035-ci ilə qədər planet əhalisinin yarıdan çoxu artıq çəki və əsasən də piylənmədən əziyyət çəkəcək.
Azpost.info xəbər verir ki, bu barədə Piylənmə ilə Mübarizə üzrə Beynəlxalq Federasiyasının (World Obesity Federation) hesabatında bildirilir.
Problem 4 milyard insanı əhatə edəcək və ilk növbədə uşaqlar və yeniyetmələr arasında müşahidə olunacaq.
Hesabata görə, Afrika və Asiyanın aşağı gəlirli ölkələri daha çox təsirlənəcək. Mütəxəssislərin fikrincə, bu ölkələrin əsas problemi daha ucuz qida məhsullarının istehlakıdır. Məsələn, əhalinin müəyyən seqmentləri üçün əlverişli olmayan ət əvəzinə kolbasa və kolbasa məmulatlarından istifadədir.
Asiya və Afrikada piylənmənin digər səbəbləri qida nəzarəti qurumlarının olmaması, zəif marketinq siyasəti, həmçinin insanların çəki problemlərinin səbəbləri və nəticələri, qeyri-aktiv həyat tərzi ilə bağlı məlumatlı olmamasıdır.
“Dünyada piylənmənin qarşısının alınması və müalicəsi ilə əlaqəli xərclər 2035-ci ilə qədər dörd trilyon dollardan çox olacaq”, – ekspertlər proqnozlaşdırır.
Azpost.info
