Hindistanda qızıl və zərgərlik biznesi ilə məşğul olan zəngin ailənin 8 yaşlı qızı varisi olduğu 70 milyon dollarlıq sərvətdən imtina edib. O, məbəddə rahibə olmağa qərar verib.
Azpost.info bildirir ki, bu barədə “Frans-Press” məlumat yayıb.
ICRA kredit Agentliyinin məlumatlarına görə, “Sanghvi and Sons” ailə şirkətinin varidatı 70 milyon dollar dəyərindədir.
Şirkətin varisi olan Devanşi Sanqvi ötən il bu barədə qərar verib. O, Hindistanda ən qədim din sayılan caynizmə etiqad edəcək.
“Bu gün Devanşi ruhani inkişaf yolu ilə getməyə qərar verdi. Biz bilirik ki, bu çox ağır yoldur. Amma başa düşürük ki, bu yol bizim ona verəcəyimiz dünya malından daha çox xoşbəxtlik gətirəcək”, – valideynlərinin yaydığı məlumatda deyilir.
Caynizm Hindistanda dini azlıqdır. Bu qədim inancın 2500 il yaşı var. Bu təlim zorakılığı rədd edir, meditasiya, dünya həzzindən imtinanı və vegetirinalığı əsas prinsip hesab edir. Hindistanda bu təlimin 6 milyon ardıcılı var.
Caynizm məbədinin yolçusu olduqdan sonra həmin şəxs valideynləri ilə əlaqəsini kəsir, saçlarını kəsdirir, heç vaxt duş qəbul etmir, ayaqyalın gəzir və yemək olaraq kim nə verərsə onunla qidalanır.
Azpost.info
