ABŞ-ın yüksək rütbəli rəsmiləri bu gün keçirilən ABŞ-Ermənistan-Azərbaycan sammiti haqqında məlumat veriblər.
AzPost bildirir ki, bu barədə ABŞ Dövlət Departamentində akkreditasiya olunan azərbaycanlı jurnalist Aleks (Ələkbər) Raufoğlu məlumat verib.
Onun sözlərinə görə, Azərbaycan və Ermənistan arasında sülh sazişinin mərkəzi “Tramp Route” (TRIPP)dır.
Sülh sazişi həm də Qərbin geosiyasi qələbəsi kimi dəyərləndirilir.
“Rəsmilər bildiriblər ki, yeni marşrut Cənubi Qafqazdan Avropaya hər iki ölkədən yan keçən birbaşa ticarət və enerji marşrutu təmin etməklə Rusiya və İranın regiondakı nüfuzuna meydan oxuyacaq.
Administrasiya yol xəritəsinin təfərrüatlarını həyata keçirmək üçün dərhal işçi qrupları yaradacaq. Gələn həftə “Tramp marşrutu” ilə bağlı danışıqların başlanacağı gözlənilir”-deyə o vurğulayıb.
Artıq doqquz müxtəlif operator bu marşruta marağını ifadə edib. Onlardan üçü ABŞ şirkətidir. “Rəsmilər vurğuladılar ki, layihə gələcək nəsillər üçün sülhü təmin etmək üçün nəzərdə tutulmuş xeyriyyə təşkilatı deyil, kommersiya təşəbbüsüdür”.
