ABŞ və Çin prezidentləri Co Bayden və Si Tsinpin arasında videobağlantı ilə iki saatlıq danışıqlarda Ukrayna müzakirə olunub.
Bayden administrasiyası martın 18-də iki lider arasında yer almış telefon danışıqlarını “kommunikasiya xətlərinin açıq saxlanması üçün səylərin davam etdirilməsi” kimi səciyyələndirib.
Çin Xarici İşlər Nazirliyinin bu danışıqlar barədə açıqlamasında deyilir ki, Si Baydenin diqqətinə onların 2021-ci ilin noyabrında yer almış virtual görüşündən bəri “beynəlxalq landşaftda böyük dəyişikliklərin baş verdiyini” çatdırıb.
Bəyanatda deyilir ki, “Ukrayna böhranı” Çinin görmək istədiyi böhran deyil: “Hadisələr bir daha göstərir ki, ölkələr döyüş meydanlarında görüşmək nöqtəsinə çatmamalıdırlar. Münaqişə və qarşıdurma heç kəsin marağında deyil və beynəlxalq icma ən çox sülh və təhlükəsizliyə dəyər verməlidir”.
Azpost.info
