“Rusiyanın qaz tədarükü ilə bağlı düşünülmüş hərəkətləri süni qıtlıq yaradıb ki, bunu tam əminliklə şantaj adlandırmaq olar. Lakin Avropanın bu hərəkətlərə cavab olaraq bir sıra təzyiq rıçaqları var”.
Azpost.info xəbər verir ki, bunu məşhur amerikalı maliyyəçi və milyarder Corc Soros deyib. “Putin qazı anbarda saxladı və onu Avropaya göndərmədi. Bu, qıtlıq yaratdı. Sonra qiymətləri qaldırdı və bu, ona çoxlu pul qazandırdı. Lakin onun Moskva ilə Avropa arasında danışıqlarda mövqeyi ilk baxışdan göründüyü qədər güclü deyil”, – milyarder bildirib. Sorosun sözlərinə görə, Avropa İttifaqı Kreml üçün çox vacib bazardır və milli iqtisadiyyatı dəstəkləmək üçün Rusiyanın qaz gəlirlərinə böyük ehtiyacı var: “Avropa Putinin yeganə bazarıdır. Əgər Avropaya qaz verilməsə, o zaman Rusiya hökuməti Sibirdəki qaz yataqlarını bağlamağa məcbur olacaq. Orada 12 minə yaxın quyu var”.
Azpost.info
