“Rusiya və ABŞ səfirliklərini bağlaya bilər” –

Azpost.info xəbər verir ki, bunu ABŞ-ın Moskvadakı səfiri Con Sallivan bildirib. “Belə bir ehtimal var. Fikrimcə, bu, böyük səhv olardı”, – səfir deyib.

Diplomat qeyd edib ki, ABŞ hökuməti hadisələrin bu cür inkişafını arzulamır və diplomatik missiyasını yalnız təhlükəsizliyinə təhlükə yaranarsa, bağlaya bilər.

C.Sallivan məsələnin ABŞ səfirliyinin bağlanmasına qədər gəlməyəcəyinə ümid etdiyini bildirib: “Bunu, nə prezident Bayden, nə də ABŞ hökuməti istəyər… Lakin artıq üç aydır ki, biz tamamilə dəyişmiş münasibətlər vəziyyətindəyik”.

Səfir hesab edir ki, tərəflər təması tam dayandıra bilməz: “Əslində biz heç vaxt tam ayrılmayacağıq. Çünki biz Təhlükəsizlik Şurasının daimi üzvləri kimi bir aradayıq. Moskva və Vaşinqton fikir ayrılıqlarına baxmayaraq, bir-biri ilə qarşılıqlı əlaqəni davam etdirməlidir. Bizim səfirliklərimiz olmalıdır. Bu, minimumdur, bu, təməldir”.