Sankisya
ABŞ Ukraynanın suverenliyini, ərazi bütövlüyünü və siyasi müstəqilliyini pozduqlarına və ya təhdid etdiklərinə görə 500-ə yaxın rusiyalı məmura viza məhdudiyyəti tətbiq edəcək.
Azpost.info xəbər verir ki, bu barədə Ağ Ev məlumat yayıb.
Bundan başqa, ABŞ Dövlət Departamenti və Maliyyə Nazirliyi Ukraynadakı hərbi əməliyyatda iştirak edən özəl hərbi şirkətlərə, həmçinin Ukraynada insan hüquqlarının və ya beynəlxalq humanitar hüququn pozulmasında iştirak etmiş Rusiya Silahlı Qüvvələrinin bölmələrinə qarşı bloklayıcı sanksiyalar tətbiq edəcək. Döyüş əməliyyatları zamanı nəzarət altına alınan bölgələrin rusiyapərəst administrasiyalarının üzvlərinə də məhdudiyyətlər qoyulacaq.
Dövlət Departamenti və Maliyyə Nazirliyi Moskvaya sanksiyalardan yayınmağa kömək edən şəxslərə qarşı da sanksiyaların tətbiqini planlaşdırır. Bundan başqa, Rusiya müdafiə sektorunda təchizat zəncirlərinə qarşı tədbirlər görüləcək. İri dövlət müdafiə korporasiyalarına, eləcə də bu sahə ilə əlaqəli şəxslərə və təşkilatlara qarşı sanksiyalar tətbiq olunacaq. “Sanksiyalar G7-nin qalan ölkələri ilə razılaşdırılaraq tətbiq edilir. Tədbirlərimizin effektivliyi zaman keçdikcə Rusiyanın dünya iqtisadiyyatından daha da təcrid olunmasını təmin edəcək”, – ABŞ administrasiyasının bəyanatında deyilir.
Azpost.info
