“Dünya ictimaiyyəti ABŞ-ın digər ölkələrin daxili işlərinə qarışmasına qarşı mübarizədə səylərini birləşdirməlidir”.
Azpost.info xəbər verir ki, bunu Çinin xarici işlər naziri Van İ deyib.
XİN rəhbəri ABŞ Nümayəndələr Palatasının sədri Nensi Pelosinin Tayvana səfərini növbəti dəfə tənqid edib. Kambocada keçirdiyi mətbuat konfransı zamanı nazir deyib ki, Pelosinin səfəri Tayvan boğazında sülh və sabitliyi təhlükə altına atır.
Nazir qeyd edib ki, Çin öz suverenliyini və ərazi bütövlüyünü qətiyyətlə müdafiə edəck. Həmçinin ABŞ-ın Çinə nəzarət etmək üçün Tayvandan istifadə etmək cəhdlərini dayandıracaq.
“Əgər biz başqa ölkələrin daxili işlərinə qarışmamaq prinsipinə məhəl qoymasaq, dünya cəngəllik qanununa qayıdacaq və ABŞ-ın davranışı daha da ehtiyatsızlaşacaq. Və onlar başqa ölkələri qorxutmağa başlayacaqlar. Biz buna yol verə bilmərik. Bütün digər ölkələr də bəşər sivilizasiyasının tərəqqisinin geriyə getməsinin qarşısını almaq üçün birləşməlidir”, – Van İ bildirib.
Azpost.info
