Avropa İttifaqına üzv ölkələrin səfirləri etimadı gücləndirmək və delimitasiyaya töhfə vermək məqsədi ilə Ermənistan-Azərbaycan sərhədinə mülki missiyanı göndərməyə razılaşıb.
Bu barədə “Azadlıq Radiosu”nun erməni xidməti diplomatik mənbələrinə istinadən məlumat yayıb.
Bildirilib ki, bu barədə qərar Siyasi və Təhlükəsizlik Komitəsinin qapalı formatda keçirilən iclasında qəbul edilib. Hazırda qərarın təfərrüatları, xüsusən missiyanın neçə nəfərdən ibarət olacağı, hansı ölkələrdən və onların Ermənistana gəlişi tarixləri müzakirə olunur.
