Almaniya kansleri Olaf Şolts Qərb ölkələrinin Ukraynaya onilliklər boyu yardım göstərmək istədiyini və bunun “21-ci əsrin Marşal Planı” olduğunu bəyan edib.
Azpost.info xəbər verir ki, Şolts bunu Berlində Ukraynanın bərpasına dair beynəlxalq konfransda çıxışı zamanı deyib.
Şolts bildirib ki, indi Ukraynanın gələcəyini, eləcə də Kiyevin maliyyələşməsini müzakirə etmək lazımdır: “Biz Ukraynanın yenidən qurulması və modernləşdirilməsi üçün gələcək illər və onilliklər üçün maliyyəni necə təmin etmək barədə düşünmək üçün buradayıq. Bu, 21-ci əsr üçün yeni Marşal Planının hazırlanmasıdır”.
Kansler Avropa İttifaqının Ukraynaya dəstəyini “düzgün geosiyasi qərar” adlandırıb. O qeyd edib ki, Qərb dövlətlərinin Ukraynaya dəstəyi lazım olduğu qədər davam edəcək.
Azpost.info
