Rusiya Təhlükəsizlik Şurası sədrinin müavini Dmitri Medvedev Almaniya xarici işlər naziri Annalena Berboku “faydalı axmaq” adlandırıb.
Azpost.info bildirir ki, Medvedeyev bu barədə Tvitterdə yazıb.
Qeyd edək ki, XİN başçısının dediyi “biz Rusiyaya qarşı müharibə aparırıq” sözləri ciddi rezonans doğurub.
“Almaniyanın xarici işlər nazirinin bu cür “faydalı axmaq” olması məgər əla deyil?”-deyə Medvedeyev yazıb.
Yanvarın 24-də XİN başçısı Strasburqda iclas zamanı bildirib ki, Avropa ölkələri Rusiyaya qarşı müharibə aparır. O Avropanı Ukraynanın gələcəyi üçün birlikdə daha çox iş görməyə çağırıb.
Bu bəyanat Almaniya cəmiyyətində narazılıq doğurub. Alman siyasətçiləri hətta naziri istefa verməyə çağırıblar. Onların fikrincə nazirin sözləri ölkənin təhlükəsizliyi üçün böyük risk yaradır.
