Sink, antioksidant minerallar, A, C, E vitaminləri və Omeqa-3 katarakta və gözlərin yaşa bağlı makulyar degenerasiyası riskini azalda bilər.
Azpost.info xəbər verir ki, mütəxəssislərə görə, maksimum effekt əldə etmək üçün bu maddələr qida əlavələri şəklində deyil, mütləq qidanın özündən alınmalıdır. Bunun üçün kök, ispanaq, bolqar bibəri və ərik yemək lazımdır.
Həkimlər həmçinin görmə kəskinliyini artıran və nüvə kataraktının inkişaf riskini azaldan lutein və zeaksantin tərkibli qidaları tövsiyə edir. Bu maddələri kələm kimi tərəvəzlərdə tapmaq olar.
Bəzi köməkçi maddələr də göz sağlamlığı üçün lazımdır. Məsələn:
Qaragilə ekstratı – vitaminlərin təsirini artırır, kapilyarları gücləndirir, qan dövranını yaxşılaşdırır, metabolik prosesləri aktivləşdirir, qlaukoma, katarakt və görmə orqanlarının digər xəstəliklərinin inkişafının qarşısını alır. Qaragilə ekstraktının müntəzəm qəbulu oksidləşdirici stressin qarşısını alacaq və görmə qabiliyyətini yaxşılaşdıracaq.
Lutein – distrofiya kimi yaşa bağlı retinal dəyişikliklərlə mübarizə aparır. Lutein sağlam görmə üçün vacib olan bir antioksidandır. Luteinin ən yüksək tərkibi şirin bibər və ispanaqda olur.
Beta-karoten – A vitaminini qismən əvəz edə bilir. A vitaminindən fərqli olaraq, böyük dozalarda qəbul edildikdə zəhərli təsir göstərmir. Beta-karotin antioksidant təsir göstərir. Qırmızı, sarı və narıncı tərəvəz və meyvələrdə olur.
Azpost.info
