“Biz çalışmalıyıq ki, Ukrayna prezidenti Vladimir Zelenski döyüş meydanında, sonra da danışıqlar masası arxasında uğur qazana bilsin”.
Azpost.info xəbər verir ki, bunu Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi Almaniya kansleri Olaf Şoltsun Vaşinqtona səfəri fonunda bildirib.
Müharibəyə son qoyan danışıqlara gəlincə, Kirbi bəyan edib ki, bu, yaxın gələcəkdə baş verməyəcək.
“Kiyevə tankların verilməsinə gəldikdə, görə bilərsiniz ki, ABŞ və Almaniya sıx koordinasiyada birlikdə işləyirlər”, – Kirbi qeyd edib.
Azpost.info
