İspaniya ərzaq təhlükəsizliyi üçün Ukraynaya 14,5 milyon avro ayıracaq.
Azpost.info xəbər verir ki, bu barədə İspaniyanın Ukraynadakı səfiri Rikardo Lopez-Aranda bildirib.
“İspaniya hakimiyyəti qlobal ərzaq təhlükəsizliyi proqramının işlənib hazırlanmasını davam etdirmək üçün Ukraynaya əlavə 14,5 milyon avro ayırmağı planlaşdırır. Ötən ilin sentyabrında İspaniya hökumət başçısı bu proqramın həyata keçirilməsi üçün 236 milyon avrodan çox vəsait ayıracağını bildirmişdi. İndi İspaniya buna daha 14,5 milyon avro əlavə edəcək”, – səfir bildirib.
Onun sözlərinə görə, Ukrayna müharibəsi bütün dünyaya təsir edib, ərzaq təhlükəsizliyini təhlükə altına alıb: “Mən çox şadam ki, İspaniya bu proqrama qoşula bildi. Ukraynaya hərbi və humanitar yardım ayırmağa davam edəcəyik”.
Azpost.info
