“Qərbin reaksiyası Rusiyanın Belarus ərazisində taktiki nüvə silahı yerləşdirmək planlarına təsir etməyəcək”.
Azpost.info xəbər verir ki, bunu Kremlin sözçüsü Dmitri Peskov bildirib.
Onun sözlərinə görə, Rusiya prezidenti Vladimir Putin artıq ölkənin mövqeyini izah edib: “Qərbin reaksiyası təbii ki, Rusiyanın planlarını dəyişə bilməz. Prezident şənbə günü verdiyi açıqlamalarda hər şeyi izah etdi, əlavə ediləcək heç nə yoxdur”.
Putin bildirib ki, iyulun 1-də Rusiya Belarusda taktiki nüvə silahları üçün anbarın tikintisini başa çatdıracaq. Rusiya liderinin dediyinə görə, Moskva öz nüvə silahlarını Minskə təhvil vermir, ABŞ-ın onilliklər ərzində gördüyü işləri görür.
Putin əlavə edib ki, taktiki nüvə silahı daşıya bilən 10 təyyarə artıq Belarus aerodromlarında yerləşdirilib.
Azpost.info
