Afrikanın Zimbabve dövlətində anadan olan Cen Edvards 63 yaşında bioloji ailəsini tapıb.
Azpost.info bildirir ki, bu barədə “Metro” portalı məlumat yayıb.
Qadın övladlığa götürüldüyü ailədə böyüyüb və valideynləri bunu heç vaxt gizlətməyib. Edvards bütün həyatı boyu bioloji anasının kim olduğunu və onu niyə tərk etdiyini bilmək istəyib. Lakin bu barədə onu övladlığa götürən valideynlərindən soruşmağa cəsarət etməyib.
“20 yaşım olanda övladlığa götürən anam və atam vəfat etdilər. Mən suallardan başqa uzun illər özümdə etibarsızlıq, şübhə hissi keçirdim “- deyə deyə qadın xatırlayıb.
50 yaşında Edvards kilsədə keşişin yanına gedib mənəvi yardım istəyib. Keşi qadını öz bioloji ailəsini tapmağa inandıra bilib. Müqəddəs ata deyib ki, bu ona rahatlıq verəcək. 59 yaşında Edvards DNT testi şirkətinə müraciət edib və Zimbabvenin müvafiq idarələrindən doğum haqında şəhadətnaməsini istəyib.
Dörd il sonra qadın Cənubi Afrikada yaşayan üç bioloji qardaşını və bacısını tapa bilib. Edvards guman edib ki, qohumlar onunla əlaqə saxlamaqdan imtina edəcəklər. “Xoşbəxtlikdən onlar gözəl insanlar çıxdılar. Heç vaxt eşitmədikləri bir bacılarının olması onlarda böyük şok yaratdı. Buna baxmayaraq, məni mehribanlıqla və rəğbətlə qarşıladılar “deyə Edvars bildirib.
Məlum olub ki, Edvardsın bioloji anası bir neçə il əvvəl vəfat edib. Ana heç vaxt onun mövcudluğu haqqında digər uşaqlarına danışmayıb. Qardaşlar qadına bildiriblər ki, anaları ataları ilə evlənməzdən əvvəl bir gənclə nişanlı olub. Həmin gənc isə motosiklet qəzasında həlak olub. Çox guman ki, bu Edvardsın atası olub.
Hazırda qadın internet vasitəsi ilə qohumları ilə ünsiyyət qurur. “Hələ görüşmək planımız yoxdur. Bununla belə, gələcəkdə Cənubi Afrikaya gəlsəm, görüşmək planım var”, – deyə Edvards deyib.
Azpost.info
