Həkim kondisioner altında nə üçün tez xəstələndiyimizi izah edib.
Azpost.info Onet portalına istinadən bildirir ki, ailə təbabəti üzrə mütəxəssis, doktor Aqata Slavin bu barədə danışıb.
Yayda havanın tempraturu istiyə görə dəyişkən olur. 30 dərəcə isti olan havanı buludlu günlər əvəz edir. Bu zaman temperatur 20 dərəcə Selsiyə düşür. Bu cür dalğalanmalar immunitet sistemini zəiflədir. Buna kondisionerdən qeyri-düzgün istifadəni də əlavə etsək asanlıqla xəstələnə bilərsiniz.
İstilərin başlaması ilə yuxarı tənəffüs yollarının infeksiyaları, boğaz, qulaq, boğaz ağrısı ilə həkimə müraciət halları artır. Bu xəstələrin statistikası göstərir ki, onlar qapalı yerlərdə və avtomobillərdə istilərdən kondisioner vasitəsilə xilas olmağa çalışanlardır.
Doktor Aqata Slavin qeyd edir ki, kondisioner əgər hermetik deyilsə və düzgün saxlanmasa, o, göbələklərin və bakteriyaların yaşayış yerinə çevrilə bilər. Amma problem texnikanın özündə deyil, ondan düzgün istifadə edilməməsindədir. Bədən üçün təbii temperatur 20-24°C-dir. Belə ki, termometrlər 35 dərəcədən yuxarı qalxanda nə otağı, nə də maşını 20 dərəcədən aşağı soyutmamalıyıq.
“Çöldə 30 dərəcədən çox istidir, avtomobildə və ya qapalı yerdə isə 18 dərəcə. Bədən belə bir fərqə tab gətirə bilməz. Kondisioner və quru hava selikli qişaların soyumasına və qurumasına kömək edir. Və bu infeksiyaya ən qısa yoldur “-deyə həkim bildirib.
Azpost.info
