Xəzər dənizi yox olacaq. Onun mövcudluğu ciddi təhlükə altındadır.
Azpost.info bildirir ki, alimlərin yeni araşdırmalarına görə, Xəzərdə suyun səviyyəsi ildə 6-7 santimetr azalır. Tədqiqatçılar bunu sürətli sayırlar. Onların hesablamalarına görə, bu sürətlə əsrin sonuna qədər suyun səviyyəsi 9-18 metr aşağı düşəcək. Nəticədə su hövzəsinin sahəsi təxminən üçdə bir hissəsi azalacaq.
Bundan əvvəl alimlər artıq Xəzər dənizinin problemlərindən danışırdılar. Lakin ilkin iqlim modelləri daha əlverişli situasiyanın oldğunu göstərdi. Bu modelləşdirməyə əsasən suyun səviyyəsinin azalmasının iki dəfə az olduğu təxmin edilirdi. Yeni araşdırma hazırkı vəziyyətlə bağlı daha dəqiq proqnozlar göstərib: Xəzər dənizinin sahəsi suyun 9 m enməsi ilə 23%, 18 metr enəcəyi halda 34% azalacaq.
Xəzər dənizində suyun səviyyəsinin aşağı düşməsi ekosistemin tamamilə yenidən formalaşmasına gətirib çıxaracaq. Hövzədə milyonlarla il ərzində formalaşmış unikal Xəzər biotasının təhlükə altına düşəcəyi gözlənilir. Biota, ümumi yaşayış sahəsi ilə birləşən canlı orqanizmlərin tarixən müəyyən edilmiş toplusudur.
Tədqiqatçıların fikrincə, su səviyyəsinin dəyişməsi balıqçılıq və gəmiçilikdən asılı olan yerli iqtisadiyyata təsir göstərə bilər. Bu, həm də su çatışmazlığı problemini daha da dərinləşdirəcək. Bütün bunlar müxtəlif regionda yerli və regional münaqişələrə səbəb ola bilər.
Xəzər dənizinin səviyyəsinin azalması ilə bağlı ictimai və siyasi məlumatlandırmanın olmaması digər su obyektlərindəki dəyişikliklərə də eyni dərəcədə aiddir. Bu dəyişikliklər qlobal istiləşmədən qaynaqlanır və daha da şiddətlənir.
Bir çox elmi araşdırmalarında dünyanın bütün regionlarında göllərin və daxili dənizlərin tədricən yoxa çıxması ilə bağlı narahatlıqlar var.
Azpost.info
