NATO 2024-cü ildə “soyuq müharibə”dən bəri ən böyük hərbi təlimlərini keçirəcək.
Azpost.info xəbər verir ki, bu barədə “Financial Times” məlumat yayıb.
Manevrlərdə Alyans üzvlərindən birinə qarşı yönəlmiş mümkün Rusiya təcavüzünü dəf etmək cəhdləri tətbiq olunacaq. Nəşrin fikrincə, bu, Moskvaya NATO-nun müharibəyə hazır olduğunu nümayiş etdirməlidir.
Təlimlər gələn ilin fevral-mart aylarında Almaniya, Polşa və Baltikyanı ölkələrdə keçiriləcək. Onlara 31 NATO ölkəsi və hələ Alyansın üzvü olmayan İsveç cəlb olunacaq.
Təlimlərin 41 min hərbi qulluqçu və 50-dən çox gəminin iştirakı ilə keçirilməsi planlaşdırılır. Aviasiya 700-dək uçuş həyata keçirəcək.
“Financial Times” yazır ki, qoşunlar üçün daha real ssenarilər yaratmaq üçün təlimlərdə real həyatdakı coğrafi məlumatlardan istifadə edilcək.
Azpost.info
