“NATO ölkələri Ermənistan vasitəsilə Cənubi Qafqazda öz maraqlarını təşviq etməyə çalışırlar”.
Azpost.info xəbər verir ki, bunu Rusiyanın xarici işlər naziri Sergey Lavrov deyib.
Onun sözlərinə görə, Ermənistanda anti-Rusiya əhvalı süni şəkildə qızışdırılır.
“Son illərdə sayı xeyli artmış qeyri-hökumət təşkilatları tərəfindən də müvafiq işlər aparılır. Biz bu cəhdləri görürük”, – Lavrov bildirib.
Ermənistan Baş naziri Nikol Paşinyan bundan əvvəl bəyan etmişdi ki, İrəvan öz xarici siyasət vektorunu dəyişmir. Ölkə 2018-ci ildə imzalanmış saziş əsasında Avropa İttifaqı ilə münasibətləri qurmaqda davam edir. Rusiya ilə münasibətlərdən danışan Paşinyan qeyd edib ki, İrəvan öz öhdəliklərini yerinə yetirməkdən imtina etməyib.
Azpost.info
