Tayvan hökuməti Rusiya və Belarusa qarşı tətbiq edilən ixrac məhdudiyyətlərini genişləndirir.
Azpost.info xəbər verir ki, bu barədə Tayvanın İqtisadiyyat Nazirliyi məlumat yayıb.
Məlumata görə, daha 45 növ mal, o cümlədən bəzi kimyəvi maddələr və dərmanlar məhdudiyyətlərə məruz qalacaq, yanvarın 25-dən onların Rusiya və Belarusa ixracı qadağan ediləcək.
Nazirlik onu da bildirir ki, qadağa yarımkeçiricilərin istehsalı üçün zəruri olan texnologiyaların ixracını da əhatə edəcək.
Beləliklə, Rusiya və Belarusa ixracı qadağan edilən mal növlərinin ümumi sayı 154-ə çatıb. Siyahıya lazerlər, sensorlar, ikili istifadə texnologiyaları, kompüter texnologiyaları, həmçinin Tayvan yarımkeçiriciləri də daxildir. Bu məhdudiyyətlər ilk dəfə 2022-ci ilin aprelində tətbiq edilib.
Azpost.info
