Müsavat başqanı Arif Hacılı sabiq prezidentin adı ilə qurulmuş Elçibəy İnstitutundan istefa verdiyini bəyan edib.
Azpost.info bildirir ki, o bu barədə paylaşımında bildirib.
“Səbəb Elçibəy İnstitutu aparıcı üzvlərinin Elçibəyin yüksək adından onun irsini tədqiq və təbliğ etmək üçün deyil, Müsavatın təməl prinsipləri ilə üst-üstə düşməyən şəxsi maraqları naminə istifadə etməsidir”-deyə o bildirib.
Qeyd edək ki, A.Hacılı qurumun təsisçilərindən biridir.
“Elçibəy İnstitutu” 2020-ci ilin noyabrında təsis edilib. Məqsəd Azərbaycan Milli Azadlıq və Demokratik hərəkatının lideri, 1992- ci ildə demokratik yolla Azərbaycan prezidenti seçilmiş Əbülfəz Elçibəyin elmi- nəzəri –ideoloji irsini toplamaq, mühafizə və müdafiə, tədqiq, təbliğ və təşviq etməkdir.
Arzu Səmədbəyli, Əli Kərimli, İsa Qəmbər, İsmayıl Musa, Qiyas Sadıqov, Oqtay Qasımov, Pənah Hüseyn də təsisçilər sırasındadır.
