“Sevincdə, kədərdə bir yerdə, bərabər olacağıq” –

Azərbaycanla sevincdə, kədərdə “Bir millət, iki dövlət” anlayışı ilə bir və bərabər olmağa davam edəcəyik.

Bu sözlər Türkiyə Böyük Millət Məclisinin sədri Numan Kurtulmuşun 20 Yanvar – Ümumxalq Hüzn Günü ilə bağlı paylaşımında yer alıb.

TBMM sədrinin “X” sosial media hesabında edilən paylaşımda, həmçinin deyilir: “Yaxın tarixdə baş verən ən ağrılı hadisələrdən biri olan qanlı Yanvar qətliamında qadın, uşaq, yaşlı demədən qətlə yetirilənləri ehtiramla yad edir, azərbaycanlı qardaşlarımızın kədərini bölüşürəm.

Can Azərbaycanın müstəqilliyi uğrunda canlarını fəda edən 20 Yanvar qəhrəmanlarını unutmayacaq, unutdurmayacağıq”.