“Polşa G7-nin Kiyevə dəstək və uzunmüddətli təhlükəsizlik zəmanəti bəyannaməsinə qoşulub”.
Azpost.info xəbər verir ki, bunu Ukraynaya səfərə gələn Polşa Baş naziri Donald Tusk bildirib.
Kiyevdə Vladimir Zelenski ilə birgə mətbuat konfransı zamanı o qeyd edib ki, sənəd demokratik ölkələrin qüvvələrini səfərbər etmək məqsədi daşıyır.
“Polşa bu gün NATO-nun Vilnüsdə keçirilən sammiti zamanı hazırlanmış və demokratik ölkələri Ukraynaya dəstək vermək üçün səfərbər etmək məqsədi daşıyan G7 bəyannaməsinə qoşulub”, – Tusk deyib.
G7 bəyannaməsi NATO-nun Vilnüsdə keçirilən sammiti çərçivəsində qəbul edilib. Buna əsasən, Böyük Britaniya, Almaniya, İtaliya, Kanada, ABŞ, Fransa və Yaponiya Ukraynaya silah tədarükünü artıracaq. Sənəddə uzun mənzilli artilleriya və döyüş aviasiyasına üstünlük veriləcəyi bildirilir. Eyni zamanda G7 liderləri Kiyevlə müdafiə sahəsində əməkdaşlığa dair bir sıra vədlər veriblər.
Azpost.info
