“Ukraynaya Qərb qoşunlarının göndərilməsinin mümkünlüyü ilə bağlı müzakirələrin genişləndirilməsi və Fransanın belə ssenariyə hazır olan ölkələrin ittifaqı yaratmaq planları gərginliyi artırmaq üçün təhlükəli xəttdir”.
Azpost.info xəbər verir ki, bunu Kremlin sözçüsü Dmitri Peskov deyib.
“Bu, təhlükəli xəttdir. Bu cür planlar çox arzuolunmaz nəticələrə səbəb ola bilər”, – Peskov bildirib.
O əlavə edib ki, Moskva bu müzakirənin inkişafını izləyir.
Martın 9-da “Politico” yazıb ki, Fransa potensial olaraq Ukraynaya öz hərbi kontingentini göndərməyə hazır olan ölkələrdən ibarət koalisiya yaradıb. Nəşrin məlumatına görə, bu təşəbbüs Litva, Latviya və Estoniya tərəfindən dəstəklənib. Polşanın xarici işlər naziri Radoslav Sikorski də oxşar ssenarini istisna etməyib.
Azpost.info
