2024-cü ilin sonuna qədər Vladimir Putin və Rusiyanın digər hakim elitası üçün beynəlxalq xüsusi tribunal yaradılacaq.
Azpost.info xəbər verir ki, bunu Avropa komissarı Didye Reynders bildirib.
Reyndersin sözlərinə görə, hazırda Qərbdə bu məhkəmə prosesi ilə bağlı müxtəlif beynəlxalq aktorlarla müzakirələr gedir və iki əsas variant nəzərdən keçirilir: Ukrayna ilə Avropa Şurası arasında çoxtərəfli sazişə əsaslanan beynəlxalq tribunal və ya ikitərəfli razılaşma əsasında sadələşdirilmiş həll yolu.
Aİ həm də məhkəmə icraatının ötürülməsi üçün yeni sistem yaradıb. İndi Ukraynadan cinayət işləri, o cümlədən təcavüz cinayəti bu xüsusi tribunala verilə bilər.
Reynders qeyd edib ki, tribunalın yaradılması ilə bağlı işlər yekunlaşmaq üzrədir: “Növbəti addım siyasi iradə məsələsidir. Hələ ilin əvvəlidir, amma ilin sonuna qədər bu mümkün olmalıdır”.
Azpost.info
