Ayran susuzluğu yatıran yaxşı içkidir.
Azpost.info bildirir ki, bu barədə dietoloq, tibb elmləri namizədi, Qidalanma və Biotexnologiyalar üzrə Rusiya Federal Tədqiqat Mərkəzinin İmmunologiya Laboratoriyasının elmi işçisi Tatyana Solntseva bildirib.
Aif.ru saytı ilə söhbətində həkim izah edib ki, bu içki aktiv fiziki əmək və ya gərgin məşqdən sonra orqanizmin mineral balansını bərpa etməyə kömək edir.
Solntseva ayranın bağırsaq mikrobiotası üçün faydalarını qeyd edib. Tərkibindəki bakteriyalar bağırsaqlara daxil olduqda, normal mikrofloranın inkişafına kömək edir, patoqen flora ilə mübarizə aparır və bununla da immunitet sistemini gücləndirir.
Bu içkilərin tərkibində kalium, kalsium, fosfor, natrium, maqnezium, dəmir, K, PP, B1, B2, B4, B6, C vitaminləri, beta-karoten minerallar da var.
