“Ukrayna ordusu Kursk vilayətində 78 yaşayış məntəqəsinə nəzarət edir” –

Ukrayna Silahlı Qüvvələri Kursk vilayətində 74 yaşayış məntəqəsinə nəzarət edir.

Azpost.info bildirir ki, bu barədə Ukrayna Prezidenti Vladimir Zelenski bəyanat verib. Bu məlumatı ona Ukrayna Silahlı Qüvvələrinin Ali Baş Komandanı Aleksandr Sırski verib.

Sırski həmçinin bildirib ki, Ukrayna Silahlı Qüvvələri son 24 saat ərzində Kursk vilayətində bir-üç kilometr irəliləyib və Rusiya ərazisinin 40 kvadrat kilometrini nəzarətə götürüb.

Zelenskinin sözlərinə görə, işğal olunmuş ərazilərdə yoxlamalar və sabitləşdirmə tədbirləri aparılır və “humanitar qərarlar verilir”.

“Mürəkkəb, gərgin döyüşlərə baxmayaraq, qüvvələrimizin Kursk vilayətində irəliləməsi davam edir”, – Ukrayna prezidenti yazıb.

Xəbərin dərci zamanı Rusiya Müdafiə Nazirliyi Ukrayna tərəfinin bəyanatlarını heç bir şəkildə şərh etməyib.